Të hënën, më datë 27 prill, Gjykata e Posaçme do të shpallë vendimin lidhur me një kërkesë të Arbër Veliajt. Pronari i kompanisë “Gogwl” kundërshton një vendim të prokurorit të posaçëm Ols Dado për këqyrjen e disa kontratave.
Arbër Veliaj, përmes avokatit Henrik Ligori, pretendon se urdhri i prokurorit është i paligjshëm sepse në thelb është sekuestrim dokumentash dhe jo këqyrje, dhe në rastet e sekuestrimeve do të duhet të ishte marrë miratim në gjykatë.
Arbër Veliaj është vëllai i kryebashkiakut të Tiranës, Erion Veliaj. Ky i fundit po gjykohet në GJKKO për 13 akuza penale, si korrupsion, pastrim parash, fshehje pasurie e shpërdorim detyre.
