Burime nga Policia e Durrësit bëjnë me dije se ish-kryebashkiaku Vangjush Dako ndodhet i shtruar në spitalin e Durrësit, pasi ka shfaqur probleme shëndetësore gjatë ditës së sotme. Për këtë arsye, nuk është kryer ende ekzekutimi i vendimit të Gjykatës së Posaçme të Apelit (GJKKO), e cila vendosi rikthimin e tij në burg. Vendimi u mor ditën e sotme dhe parashikon që Dako të vuajë edhe 10 ditë dënim të mbetur.
Burimet bëjnë me dije se menjëherë pas marrjes së vendimit, Dako ka përfunduar në spital, pasi ka shfaqur probleme shëndetësore dhe ka pësuar aritmi. Pas marrjes së ndihmës mjekësore, në ambientet e spitalit mbërritën edhe forcat e Policisë së Durrësit, të cilat ekzekutuan vendimin e Apelit duke vënë në pranga ish-kryebashkiakun.
Pas përfundimit të procedurave mjekësore, Vangjush Dako pritet t’i dorëzohet Drejtorisë së Përgjithshme të Burgjeve për të vijuar ekzekutimin e vendimit gjyqësor.
