Gjykata e Apelit të Posaçëm dërgon në arrest shtëpie ish të dashurën e Safet Bajrit, Eria Ago. Kjo e fundit dyshohet per implikim në vrasjen e Fatbardh Licit, xhaxhait të Ibrahim Licit kundërshtar i Bajrave. Për vrasjen akuzohen Safet e Behar Bajri si dhe Astmer Bilali.
Ago u arrestua në muajin mars të këtij viti, pasi dyshohet nga Prokuroria e Posaçme se ajo drejtoi një nga automjetet që u përdor për vrasjen e Fatbardh Licit. Pavarësisht se 31-vjeçarja i ka mohuar akuzat e prokurorisë për përfshirjen e saj në këtë ngjarje, pretendimet e saj nuk janë marrë parasysh nga gjykata.
