Ekstradohet nga Zvicra, shtetasi Jozi Kraja. Ai akuzohet si pjesë e një grupi kriminal që tentoi të vriste vëllezërit Durim e Valter Bami, të konsideruar si të fortët e Niklës.
Ndaj tij Gjykata e Posaçme me vendimin e datës 15.05.2024, i ka caktuar masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal” dhe “Kryerja e veprave penale nga organizata kriminale ose grupi i strukturuar kriminal”.
Nga hetimet e kryera nga Prokuroria e Posaçme kundër Korrupsionit dhe Krimit të Organizuar dyshohet se ky shtetas, gjatë periudhës dhjetor 2020-maj 2024, ka siguruar kushte dhe mjete materiale për të kryer vrasjen e vëllezërve Durim e Valter Bami.
