Policia e Shtetit është duke zhvilluar aksione në disa zona me qëllim arrestimin e të akuzuarit Altin Ndoci nga spitali rajonal në Durrës, ku ishte dërguar për vizitë mjekësore. Kontrollet janë përqendruar në banesat e të dënuarve apo ish të dënuarve me të cilët Ndoci ka pasur kontakte apo njohje në paraburgim. Ditën e djeshme janë kryer kontrolle në Lezhë në bazat e një të dënuari, por pa rezultat.
Pas arratisjes së Ndocit janë arrestuar 8 zyrtarë të burgut Durrës, u shkarkua drejtori Indrit Cerloj, si dhe u pezulluan disa të tjerë. Ndoci akuzohet për disa vrasje të kryera në kuadër të organizatës “Copja”.
