Një aksident i rëndë rrugor ka ndodhur mesditën e kësaj të diele në fshatin Zdrajsh të Librazhdit, ku një automjet ka dalë nga rruga dhe është rrokullisur në një terren të thepisur, duke lënë të plagosur rëndë drejtuesin e tij.
Shoferi është identifikuar si Esat Tahir Xherri i cili ka marrë plagë të rënda dhe fraktura të shumta. Ai është nxjerrë nga automjeti i dëmtuar rëndë dhe është transportuar me urgjencë drejt Spitalit të Traumës në Tiranë, ku ndodhet në gjendje kritike për jetën.
Sipas të dhënave paraprake, automjeti ka humbur kontrollin, ka dalë nga rruga dhe është përmbysur për rreth 100 metra në një zonë me terren të vështirë.
Policia rrugore dhe grupi hetimor ndodhen në vendngjarje dhe po hetojnë për zbardhjen e plotë të shkaqeve. Paraprakisht dyshohet se humbja e kontrollit erdhi si pasojë e shpejtësisë ose e gjendjes së amortizuar të rrugës.
