Një aksident i rëndë ka ndodhur mesditën e së hënës në autostradën Egnatia, pranë qytetit të Komotinisë në lindje të Greqisë, ku kanë humbur jetën tre shtetas shqiptarë.
Sipas informacioneve paraprake të publikuara nga “Protothema”, një kamion është përplasur me dy automjete. Nga përplasja, shoferi i kamionit ka mbetur i plagosur rëndë dhe është dërguar në spital për trajtim mjekësor.
Në një prej automjeteve ndodheshin katër persona, të cilët gjithashtu janë dërguar në spital.
Përplasja ka shkaktuar një zjarr të madh, i cili është përhapur edhe në zonat rurale përreth, duke përkeqësuar situatën dhe vështirësuar ndërhyrjen e shërbimeve të emergjencës.
