Një aksident automobilistik ndodhi pak më parë pranë kryqëzimit të Rrilës, në superstradën Lezhë–Milot, ku u përplasën dy automjete. Si pasojë e goditjes së fortë, njëra nga makinat përfundoi e përmbysur në një kanal anës rrugës.
Të dy drejtuesit e mjeteve pësuan lëndime, por fatmirësisht ndodhen jashtë rrezikut për jetën. Ata u transportuan menjëherë në spitalin e Lezhës për ndihmë mjekësore.
Policia ndodhet në vendngjarje dhe ka nisur hetimet për të përcaktuar shkaqet e aksidentit.
