Një aksident tragjik ka ndodhur rreth orës 20:55 në aksin rrugor Dhëmblan–Tepelenë, në vendin e quajtur “Ura e Përroit”, në fshatin Salari, pjesë e njësisë administrative Kurvelesh. Automjeti tip furgon, i drejtuar nga Arjan Çela, rreth 50 vjeç, banues në fshatin Dhëmblan, ka dalë nga rruga, duke rezultuar me vdekjen e drejtuesit në vendngjarje.
Tepelenë/Informacion paraprak
Rreth orës 20:55, në aksin rrugor "Dhëmblan-Tepelenë", në vendin e quajtur "Ura e përroit", në fshatin Salari, automjeti kamioçinë që drejtohej nga shtetasi A. Ç., rreth 50 vjeç, banues në fshatin Dhëmblan, ka dalë nga rruga.
Si pasojë e daljes nga rruga shtetasi A. Ç., ka humbur jetën në vendngjarje.
Grupi hetimor ndodhet në vendngjarje dhe po punon për sqarimin e rrethanave të ngjarjes.
