Një aksident rrugor ka ndodhur paraditen e sotme në aksin Pogradec–Korçë, në zonën e njohur si Qafë Plloçë. Dy automjete janë përplasur me njëra-tjetrën dhe si pasojë e përplasjes, njëri prej mjeteve është përfshirë nga flakët.
Sipas informacioneve paraprake, drejtuesit e automjeteve kanë arritur të dalin me shpejtësi nga mjetet dhe për fat të mirë nuk ka të lënduar. Megjithatë, dëmet materiale janë të konsiderueshme.
Policia ka mbërritur menjëherë në vendin e ngjarjes dhe po punon për të zbardhur rrethanat e aksidentit si dhe shkaqet që çuan në përplasjen mes mjeteve.
