Një aksident rrugor ka ndodhur mbrëmjen e sotme në afërsi të Paskuqanit. Një shofer ka humbur drejtimin e automjetit dhe për pasojë është përplasur me barrierat e rrugës.
Njoftimi i Policisë:
Rreth orës 22:30, në Unazë të Madhe, tek mbikalimi i Paskuqanit, shtetasi H. Ç, dyshohet se ka humbur kontrollin mbi drejtimin e automjetit dhe për pasojë automjeti është përplasur me barrierat anësore të rrugës.
Si pasojë e aksidentit janë shkaktuar vetëm dëme materiale.
Grupi Hetimor po punon për sqarimin e rrethanave të aksidentit.
