Aksi rrugor Kakavijë–Janinë do të jetë i bllokuar këtë të shtunë, më 30 nëntor, për shkak të protestës së paralajmëruar nga fermerët grekë. Bllokimi pritet të zgjasë nga ora 18:00 deri në orën 22:00, sipas orës greke.
Sipas njoftimit të Policisë Kufitare Kakavijë, të marrë përmes qendrës së përbashkët të shkëmbimit të informacionit, gjatë protestës do të lejohen të qarkullojnë vetëm automjetet që kanë emergjenca shëndetësore.
Institucioni kërkon mirëkuptimin e qytetarëve dhe u sugjeron të planifikojnë udhëtimet me automjete në orare të tjera të ditës, për të shmangur vonesat dhe trafikun e rënduar.
