Prokuroria e Posaçme zgjat me 3 muaj të tjerë afatet e hetimit për ish-zv/kryeministrin Arben Ahmetaj, lidhur me aferën e inceneratorëve. Zgjatja vjen për shkak të vonesës së mbërritjes së përgjigjeve të letërporosive që SPAK ka dërguar jashtë vendit. Afati i fundit për përfundimin e hetimeve është caktuar data 23 dhjetor.
Arben Ahmetaj dyshohet për veprën penale të korrupsionit, pastrimit të parave dhe fshehje pasurie. Ai është në arrati prej dy vitesh dhe ka kërkuar azil politik në Zvicër. Nën hetim janë edhe bashkëjetuesja e tij, Erjola Hoxha, dhe ish-bashkëshortja, Albina Mançka.
