Hava Delibashi, zv.drejtoreshë e AKSHI-t, është vënë nën masën e arrestit në shtëpi, ndërsa ndalim për të dalë jashtë vendit është caktuar për biznesmenët Andi Papas dhe Gëzim Hoxha.
Nga hetimet më shumë se njëvjeçare rezulton se Mirlinda Karcanaj, drejtoreshë e Agjencisë Kombëtare të Shoqërisë së Informacionit, ka favorizuar kompanitë e biznesmenit Ermal Beqiri, si dhe disa kompani satelite, të cilat kanë përfituar tendera me vlera miliona euro.
Po ashtu, nga hetimi rezulton se Ergys Agasi ka ndërhyrë në procedurat e tenderimit, duke bërë që kontratat publike të përqendroheshin në një dorë të vetme.
SPAK po heton për veprat penale të korrupsionit, pastrimit të parave, shpërdorimit të detyrës dhe shkeljes së barazisë në tendera.
