Një 46-vjeçar u vu në pranga pasi dhunoi bashkëshorten duke i shkaktuar lëndime trupore.
“Specialistët për Hetimin e Krimeve të Komisariatit të Policisë Durrës arrestuan shtetasin B. L., 46 vjeç, banues në Durrës, i cili ka debatuar me fjalë dhe më pas ka ushtruar dhunë fizike ndaj bashkëshortes së tij, duke i shkaktuar dhe lëndime trupore”, njoftoi policia.
Gruaja ndodhet në spital duke marrë ndihmë mjekësore. Ndërsa ndaj bashkëshortit të saj është ngritur akuza e dhunës në familje.
