Aksident tragjik në aksin rrugor Gjirokastër–Tepelenë. Tre persona kanë humbur jetën, ndërsa një vajzë mbeti e plagosur.
Klejdi Myftari, 24 vjeç dhe Anxhelo Ruci, 28 vjeç, po udhëtonin me automjetin tip Volkswagen me targa AB797VP, kur në vendin e quajtur “Bypass” u përplasën me automjetin Mercedes Benz, me targa, që drejtohej nga Martin Dulaj, 25 vjeç, ndërsa pasagjere ishte Arsida Demiri.
Të tre djemtë ndërruan jetë në vend, ndërsa Demiri u plagos dhe ndodhet në Spitalin e Traumës për ndihmë më të specializuar mjekësore.
Tepelenë / Informacion paraprak
Rreth orës 03:18, në aksin rrugor “Gjirokastër–Tepelenë”, në vendin e quajtur “Bypass”, automjeti me drejtues shtetasin M. D., 25 vjeç, banues në Tepelenë, është përplasur me automjetin që drejtohej nga shtetasi K. M., 24 vjeç, banues në Tepelenë.
Si pasojë e aksidentit, kanë humbur jetën dy drejtuesit e automjeteve, pasagjeri shtetasi A. R., 27 vjeç, banues në Tepelenë, si dhe ka mbetur e dëmtuar shtetasja A. D., 19 vjeçe, banuese në Delvinë, e cila ndodhet në Spitalin e Traumës, në kujdesin e mjekëve.
Grupi hetimor vijon punën për sqarimin e plotë të rrethanave të aksidentit.
