Një grup prej 14 turistësh, të cilët po eksploronin bukuritë natyrore të Përmetit pranë “Ura e Dashit”, rrezikuan të mbeteshin të izoluar në kanionin e Langaricës, pasi reshjet e rrëmbyeshme të shiut rritën ndjeshëm nivelin e ujit në lumin e Langaricës.
Uji i lartë i bllokoi turistët në një pjesë të kanionit, duke u pamundësuar largimin. Menjëherë pas njoftimit për ngjarjen, shërbimet e Policisë së Përmetit, në bashkëpunim me zjarrfikësit dhe strukturat e zonave të mbrojtura, ndërhynë shpejt dhe arritën të shpëtojnë grupin në kohë rekord.
Sipas raportimeve të fundit, të gjithë turistët ndodhen në gjendje të mirë shëndetësore dhe nuk kanë pësuar dëmtime.
