Një atentat me armë zjarri ka tronditur mbrëmjen e sotme qytetin e Sarandës, ku viktimë ka mbetur 66-vjeçari Rexhep Ismaili.
Sipas informacioneve paraprake, Ismaili, i cili raportohet se ishte pronar i një karburanti në qytet, është qëlluar me armë zjarri në kokë. Për pasojë ai ka humbur jetën në vendngjarje.
Forca të shumta policie ndodhen në vendngjarje dhe kanë nisur hetimet për zbardhjen e plotë të rrethanave të krimit dhe identifikimin e autorëve.
