Policia e Vlorës ka goditur një rast të prostitucionit të organizuar nga shtetase kineze në lagjen “Uji i Ftohtë”.
Në pranga kanë rënë dy gra kineze që ushtronin prostitucion, 49-vjeçarja Q.Zh. dhe 42-vjeçarja X.L., si dhe dy klientë, një shqiptar 38-vjeçar dhe një italian 25-vjeçar. Ndërkohë, tutoren dhe organizatoren, 36-vjeçaren M.Y., e shpallën në kërkim për trafikim të personave të rritur.
Apartamenti ku zhvillohej aktiviteti ishte marrë me qira, ndërsa specialistët e Hetimit të Trafiqeve të Paligjshme po vijojnë punën për kapjen e organizatores dhe dokumentimin e plotë të veprimtarisë kriminale.
