Janë zbuluar detaje të tjera nga ngjarja e rëndë e ndodhur në fshatin Kuman, ku 80-vjeçari, Shefit Rrapaj, vrau bashkëshorten e tij, Dashuri Rrapaj, dhe më pas veten.
Sipas informacionit paraprak nga policia, ngjarja ka ndodhur rreth orës 14:30, kur 80 vjeçari dyshohet se ka vrarë me armë zjarri (pushkë) bashkëshorten e tij, 75 vjeçe, brenda banesës.
Më pas, i moshuari dyshohet se i ka dhënë fund jetës duke u vetëvrarë me të njëjtën armë.
Në vendngjarje kanë mbërritur shërbimet e policisë dhe grupi hetimor, të cilët po vijojnë punën për sqarimin dhe dokumentimin e plotë të rrethanave të kësaj ngjarjeje tragjike.
