Juventusi po vijon punën për përforcimin e repartit ofensiv dhe duket se ka hedhur një hap të rëndësishëm drejt afrimit të një qendërsulmuesi të ri.
Sipas gazetarit Matteo Moretto, bardhezinjtë kanë arritur një marrëveshje paraprake me sulmuesin norvegjez Alexander Sorloth, duke siguruar miratimin e tij për projektin sportiv të klubit.
Sulmuesi i Atletico Madridit ka pranuar kushtet personale të kontratës me Juventusin, pas kontakteve intensive mes palëve në ditët e fundit.
Lëvizja vjen në një moment kur e ardhmja e Dusan Vlahovic është në dyshim, pasi nuk është arritur marrëveshje për rinovimin e kontratës për shkak të diferencave financiare mes lojtarit dhe klubit.
Trajneri Luciano Spalletti raportohet se e sheh Sorloth si pikën kryesore të sulmit për sezonin e ardhshëm, duke i dhënë atij një rol qendror në projektin e ri të Juventusit.
Tashmë mbetet që Juventusi dhe Atletico Madridi të gjejnë akordin për detajet financiare të transferimit, në mënyrë që marrëveshja të finalizohet zyrtarisht.
