Paris Saint-Germain mund të përfitojë një bonus të madh financiar nëse arrin të mposhtë Arsenalin në finalen e Ligës së Kampionëve.
Sipas raportimeve nga Franca, çdo futbollist i ekipit të parë pritet të përfitojë rreth 1 milion euro, si pjesë e një marrëveshjeje kolektive shpërblimi të negociuar brenda klubit.
Mediat franceze, përfshirë “L’Equipe”, bëjnë me dije se struktura e bonuseve është dakordësuar nga një grup lojtarësh drejtues të skuadrës, ku përfshihen Marquinhos, Achraf Hakimi, Ousmane Dembele dhe Vitinha.
Ky model shpërblimi pasqyron një qasje të re të PSG-së nën drejtimin sportiv të Luis Campos, ku prioritet i jepet suksesit kolektiv.
Skuadra pariziene synon të mbrojë trofeun e fituar sezonin e kaluar pas fitores 5-0 ndaj Interit në finale, ndërsa një triumf ndaj Arsenalit do të sillte një nga shpërblimet më të mëdha në historinë e futbollit për një ekip të vetëm.
