Pep Guardiola ka konfirmuar largimin nga posti i trajnerit të Manchester City pas 10 vitesh në krye të skuadrës, periudhë gjatë së cilës ka shkruar histori suksesi me klubin anglez.
Megjithatë, ai nuk do të shkëputet plotësisht nga City Football Group, pasi raportohet se Guardiola do të marrë një rol të ri si Ambasador Global i City Football Group.
Në këtë pozicion të ri, spanjolli pritet të ofrojë këshilla teknike për klubet e grupit dhe të angazhohet në projekte dhe bashkëpunime të ndryshme brenda strukturës së tij.
Gjatë 10 viteve si trajner i Manchester Cityt, Guardiola u shndërrua në trajnerin më të suksesshëm në historinë e klubit, duke fituar gjithsej 20 trofe.
