Një fabrikë armësh e lidhur me kompaninë izraelite Elbit Systems është përfshirë nga flakët në Republika Çeke, pasi një grup i nëndheshëm mori përgjegjësinë për sulmin.
Autoritetet çeke kanë nisur një hetim, ndërsa policia deklaroi se po shqyrton edhe një “lidhje të mundshme terroriste”.
Sulmi ndodhi në orët e para të mëngjesit dhe disa ndërtesa në kompleksin industrial, që operohej nga një kompani çeke në bashkëpunim me Elbit Systems, u shkatërruan nga zjarri.
Kompania Elbit Systems është një nga furnizuesit kryesorë të armëve tokësore dhe ajrore për ushtrinë izraelite, armë që përdoren në konfliktet e saj, përfshirë në luftën në Gaza dhe në përplasjet me Iran.
Një grup që e quan veten The Earthquake Faction deklaroi në Telegram se objekti ishte “qendror për operacionet europiane të prodhuesit më të madh izraelit të armëve” dhe shtoi: “Tani ai është në flakë”.
