Mesfushori i Atalantës, Ederson, është përfshirë zyrtarisht në listën e Brazilit për Kupën e Botës 2026, pasi do të zëvendësojë mbrojtësin e djathtë të Romës, Wesley.
Lajmi është konfirmuar nga Federata Braziliane e Futbollit, e cila njoftoi se Wesley ka pësuar një dëmtim muskulor në aduktorët e kofshës së majtë gjatë ndeshjes miqësore ndaj Egjiptit dhe nuk do të jetë i gatshëm për turneun.
Sipas raportit mjekësor, rezonanca magnetike ka evidentuar shkallë dëmtimi që e detyron lojtarin të humbasë kompeticionin më të madh të futbollit ndërkombëtar.
Në vend të tij, trajneri ka vendosur të thërrasë Edersonin, i cili pritet t’i bashkohet menjëherë skuadrës në Shtetet e Bashkuara. Mesfushori brazilian, i cili aktivizohet me Atalantën, raportohet se është gjithashtu pranë një transferimi te Manchester United për rreth 45 milionë euro.
Brazilit i duhet të bëjë ndryshime të detyruara në listën e tij pak para nisjes së turneut, ndërsa Ederson shihet si një opsion me eksperiencë për mesfushën e Seleçaos.
