Zëvendëspresidenti i SHBA-së J.D. Vance tha se vendi i tij nuk ka plane për të njohur një shtet palestinez, një çështje që ai planifikon ta diskutojë me Sekretarin e Jashtëm Britanik David Lamy në një takim më vonë sot.
“Ne nuk kemi plane për të njohur një shtet palestinez. Nuk e di se çfarë do të thoshte të njiheshim realisht me një shtet palestinez, duke pasur parasysh mungesën e një qeverie funksionale atje “, u tha Vance gazetarëve.
Ai shtoi se presidenti Donald Trump ka qenë shumë i qartë në lidhje me qëllimet e tij, në lidhje me atë që dëshiron të arrijë në Lindjen e Mesme, dhe do të vazhdojë ta bëjë këtë.
Vance do të takoj Lamyn në Chevening House ,në Anglinë jugore të përdorur nga Sekretari i Jashtëm, në fillim të një udhëtimi në Britani, i shoqëruar nga familja e tij.
Lamy, nga ana e tij, tha se do të diskutonte situatën në Rripin e Gazës kur të takohej me zëvendëspresidentin e SHBA-së. Duke folur me Vancen, ai tha se marrëdhëniet Britani-SHBA janë të shkëlqyera.
