Gjashtëmbëdhjetë vjet rregullore, kërkime dhe thirrje kundër ndryshimeve klimatike janë arkivuar. Dhjetëra studime shkencore janë hedhur në kosh, ndërkohë që kriza mjedisore përkeqësohet, Amerika digjet dhe regjistron njërin nga vitet më të nxehtë të njëqindvjeçarit të fundit.
Por me Donald Trump-in, kultura e gjelbër paraqet një rrezik, ndryshimi i klimës është një “mashtrim”, ndërsa lëndët djegëse të vjetra përfaqësojnë “thesarin në epokën e artë të Amerikës”.
Administrata amerikane ka propozuar të shfuqizojë deklaratën shkencore të qeverisë federale mbi rreziqet e gazeve serrë. Është një lëvizje pa precedent që, nëse konfirmohet pas një periudhe gjashtëdhjetëditore, do të çojë në anulimin e shumicës së rregulloreve mjedisore të EPA-s, agjencisë federale për mbrojtjen e mjedisit.
