Presidenti amerikan Donald Trump është nisur drejt Alaskës për një takim kokë më kokë me Presidentin rus Vladimir Putin, me fokus kryesor luftën në Ukrainë. “LOJË ME RREZIK TË LARTË!!!”, shkroi Trump në rrjetin e tij Truth Social, duke rritur pritshmëritë dhe ndjesinë e dramës për këtë takim historik.
Kjo është hera e parë që dy liderët takohen personalisht pas gjashtë vitesh, ndërsa tensionet globale mbeten të larta. Ministri i Jashtëm rus ka deklaruar se “qëndrimi ynë është i qartë dhe i paekuivok”, duke sinjalizuar një qëndrim të fortë nga pala ruse.
Ndërkohë, Presidenti i Ukrainës, Volodymyr Zelensky, është përjashtuar nga bisedimet dhe ka paralajmëruar se çdo vendim i marrë pa praninë e Ukrainës “do të jetë pa kuptim”.
Në një kishë në Kiev, korrespondentët raportojnë për një mungesë besimi mes qytetarëve ukrainas, të cilët shohin me skepticizëm mundësinë që këto bisedime të sjellin ndryshim në jetën e tyre të përditshme.
Kujtojmë se Rusia nisi pushtimin e plotë të Ukrainës në vitin 2022, me dhjetëra mijëra viktima në të dyja palët.
