Presidenti i SHBA-së, Donald Trump, tha se shumë vende, veçanërisht ato të prekura nga përpjekja e Iranit për të mbyllur Ngushticën e Hormuzit, do të dërgojnë anije luftarake në bashkëpunim me SHBA-në për ta mbajtur rrugën detare të hapur dhe të sigurt.
Në një postim në Truth Social, ai pretendoi se SHBA-të tashmë kanë “shkatërruar 100% të aftësive ushtarake të Iranit”, por paralajmëroi se Teherani mund të dërgojë ende dronë, të vendosë mina ose të lëshojë raketa me rreze të shkurtër veprimi përgjatë rrugës detare.
Ai shprehu shpresën se Kina, Franca, Japonia, Koreja e Jugut, Britania dhe shtete të tjera të prekura nga kufizimi i lundrimit do të dërgojnë anije në rajon.
Në të njëjtin postim, ai tha se SHBA-të do të vazhdojnë të bombardojnë zonat bregdetare dhe të fundosin anijet iraniane, duke shtuar se në një mënyrë ose në një tjetër, Ngushtica e Hormuzit së shpejti do të hapet dhe do të jetë “e hapur, e sigurt dhe e lirë”.
