Kriza në Lindjen e Mesme po përshkallëzohet. Ushtria izraelite ka marrë "dritën jeshile" për një ofensivë të re tokësore në qytetin e Gazës, me operacionin e koduar “Tanket e Gideonit B”. Plani i miratuar nga ministri i Mbrojtjes, Israel Katz, pritet të jetë një nga më të mëdhenjtë që nga fillimi i luftës më 7 tetor 2023.
Rreth 60 mijë rezervistë janë thirrur nën armë për të përforcuar këtë ofensivë, ndërkohë që qëllimi i deklaruar është presioni ndaj Hamasit për lirimin e pengjeve. Megjithatë, vetëm një pjesë e rezervistëve do të shkojnë në Gaza – të tjerët do të shërbejnë në fronte të tjera.
Ndërkohë, shifrat nga Rripi i Gazës janë alarmante: mbi 62 mijë të vrarë, nga të cilët më shumë se 18 mijë janë fëmijë, sipas autoriteteve të Gazës.
