Kryeministri i Spanjës, Pedro Sánchez, deklaroi se Madridi nuk do të njohë një ndërhyrje të Shteteve të Bashkuara në Venezuelë nëse ajo shkel të drejtën ndërkombëtare. Në një reagim në rrjetin social X, Sánchez theksoi se, ndonëse Spanja nuk e ka njohur regjimin e Nicolas Maduro-s, ajo nuk mund të pranojë as një veprim ushtarak që e shtyn rajonin drejt pasigurie dhe përshkallëzimi të konfliktit.
“Spanja nuk e ka njohur regjimin e Maduro-s. Por nuk do të njohë as një ndërhyrje që shkel të drejtën ndërkombëtare dhe e shtyn rajonin drejt një horizonti pasigurie m,” shkroi Sánchez.
Kryeministri spanjoll u bëri thirrje të gjitha palëve të përfshira që të kenë parasysh mbrojtjen e popullsisë civile, të respektojnë Kartën e Kombeve të Bashkuara dhe të punojnë për një tranzicion të drejtë nëpërmjet dialogut në Venezuelë.
