Spanja ka vendosur të dërgojë një anije të forcave detare për të shoqëruar një flotilje humanitare që po lundron drejt bregdetit të Gazës. Lajmi u konfirmua nga vetë kryeministri spanjoll Pedro Sánchez, i cili theksoi angazhimin e vendit të tij për të mbështetur ndihmën humanitare në një nga zonat më të prekura nga konflikti në Lindjen e Mesme.
“Do të dërgojmë një anije të marinës për të garantuar mbrojtjen dhe sigurinë e flotiljes humanitare që ka për destinacion Gazën,” deklaroi Sánchez gjatë një konference për shtyp. Ai shtoi se misioni është pjesë e përpjekjeve të Spanjës për të siguruar qasje të sigurt për ndihmën ndërkombëtare në rajon.
Flotilja humanitare pritet të transportojë ndihma ushqimore, mjekësore dhe materiale të tjera thelbësore për civilët palestinezë, të cilët po përballen me një krizë të thellë humanitare si pasojë e luftimeve të vazhdueshme dhe bllokadës.
Vendimi i Spanjës vjen në një moment tensioni të lartë ndërkombëtar dhe pas kërkesave të vazhdueshme nga organizatat humanitare për të garantuar dërgimin e ndihmave pa ndërhyrje ushtarake apo politike.
Ky hap pritet të sjellë reagime të ndryshme në skenën ndërkombëtare, sidomos nga vendet e përfshira drejtpërdrejt në konfliktin izraelito-palestinez. Ndërkohë, autoritetet spanjolle kanë theksuar se misioni është thjesht humanitar dhe nuk përfshin përfshirje ushtarake në zonën e konfliktit.
