Një seri shpërthimesh ka tronditur qytetin e Dubait, duke bërë që ndërtesat në qendrën financiare të qytetit të dridhen, ndërsa një re e madhe tymi është ngritur mbi zonën qendrore të metropolit të Emirateve të Bashkuara Arabe.
Sirenat e alarmit janë aktivizuar në zonën e Sheikh Zayed Road, arteria kryesore e qytetit. Raportimet e para flasin për një sulm të ri të dyshuar nga Irani, vetëm një ditë pasi një dron u rrëzua pranë distriktit financiar të Dubait.
Teherani ka kërcënuar më herët se do të godasë institucionet ekonomike dhe financiare, duke detyruar disa kompani të evakuojnë stafin e tyre.
Deri tani, aeroporti i Dubait, një nga më të mëdhenjtë në botë, është marrë disa herë në shënjestër, ashtu si edhe porti i qytetit dhe komplekset luksoze, përfshirë ishullin artificial Palm Jumeirah.
