Departamenti amerikan i Shtetit ka shpallur gjendje emergjence për të anashkaluar Kongresin dhe për të miratuar shitjen e rreth 16 miliardë dollarëve armë për Emiratet e Bashkuara Arabe, Kuvajtin dhe Jordaninë.
Në një deklaratë të publikuar të enjten, u bë e ditur se Sekretari i Shtetit Marco Rubio ka përcaktuar se “ekziston një emergjencë që kërkon shitjen e menjëhershme” të municioneve, teknologjisë kundër dronëve, raketave me rreze të mesme dhe sistemeve të mbrojtjes ajrore dhe raketore për aleatët në Lindjen e Mesme.
Administrata Trump kishte shpallur një emergjencë të ngjashme edhe më herët këtë muaj për të përshpejtuar një shitje armësh për Izraelin.
