Uashingtoni dhe Pekini kanë arritur një marrëveshje paraprake për operacionet e TikTok në SHBA, duke hapur rrugën që aplikacioni të kalojë në pronësi amerikane. Lajmi u konfirmua nga Sekretari i Thesarit, Scott Bessent, i cili tha se Presidenti Donald Trump dhe udhëheqësi kinez Xi Jinping pritet ta finalizojnë marrëveshjen të premten.
Trump deklaroi se bisedimet kishin “shkuar shumë mirë”, ndërsa pala kineze theksoi se nuk do të pranojë një zgjidhje që dëmton interesat e kompanive të saj.
Afati për gjetjen e një blerësi për TikTok në SHBA skadon të mërkurën, por është shtyrë disa herë dhe pritet të përfundojë më 17 shtator. Mediat amerikane raportojnë se Oracle është ndër kompanitë e përfshira për të mundësuar vazhdimin e operacioneve të TikTok në vend.
Marrëveshja për TikTok shihet si një element kyç i bisedimeve tregtare mes SHBA-së dhe Kinës, që synojnë uljen e tarifave dhe barrierave tregtare mes dy ekonomive më të mëdha në botë.
