Sekretarja e Brendshme e Britanisë, Shabana Mahmood, pritet të prezantojë një plan për zhvendosjen e azilkërkuesve që aktualisht strehohen në hotele, në baraka ushtarake të ish-bazave ushtarake. Ky është një hap tjetër i qeverisë për ashpërsimin e politikave të imigracionit.
Sipas Daily Telegraph, vendimi vjen pas protestave të shumta gjatë verës për kushtet e strehimit në hotele. Mahmood, e cila mori detyrën e ministres së Brendshme pasi Starmer largoi Yvette Cooper do të njoftojë përdorimin e objekteve të Ministrisë së Mbrojtjes për strehimin e azilkërkuesve.
Vetëm të shtunën e kaluar, rreth 1,000 persona mbërritën në Mbretërinë e Bashkuar duke përdorur anije të vogla, ndërsa autoritetet franceze raportuan shpëtimin e 24 personave gjatë përpjekjes për të kaluar Kanalin e La Manshit.
Të dhënat e Agjencisë Kombëtare të Krimit (NCA) tregojnë se gjatë viteve 2024-2025 janë ndërprerë nivele rekord të rrjeteve kriminale që merren me imigracionin e paligjshëm.
Zyrtarët besojnë se kjo ka ndihmuar në uljen e numrit të anijeve që kalojnë Kanalin në muajin gusht, duke shënuar numrin më të ulët që nga viti 2019.
Megjithatë, edhe pse 3,567 mbërritjet në gusht janë më pak se vitet e fundit, totali për gjithë vitin 2025, prej 29,003 personash, është numri më i lartë i regjistruar për këtë periudhë.
