Raporti më i fundit i RSF për vitin 2025 sjell një tablo të rëndë për sigurinë e gazetarëve në mbarë botën. 67 gazetarë janë vrarë gjatë detyrës ose për shkak të profesionit të tyre vetëm brenda një viti — dhe gjysma e këtyre viktimave janë në Rripin e Gazës.
RSF thekson se kjo rritje e numrit të vrasjeve vjen si pasojë e praktikave kriminale të forcave të armatosura dhe krimit të organizuar, të cilat po e bëjnë profesionin e gazetarit gjithnjë e më të rrezikshëm.
503 gazetarë të burgosur në 47 vende
121 në Kinë
48 në Rusi
47 në Mianmar
135 gazetarë të zhdukur, disa prej tyre prej më shumë se 30 vjetësh
20 të mbajtur peng, kryesisht në Siri dhe Jemen
Meksika ka pësuar vitin më vdekjeprurës për gazetarët, me 9 profesionistë të vrarë, pavarësisht masave të shpallura nga presidentja Claudia Sheinbaum. Ndërkohë, Ukraina me 3 gazetarë dhe Sudani me 4 janë po ashtu ndër vendet me numër të lartë viktimash.
