Qendrat e votimit për referendumin kushtetues mbi reformën në drejtësi në Itali u mbyllën në orën 15:00, ndërsa menjëherë ka nisur numërimi i votave për të përcaktuar rezultatin përfundimtar.
Sipas të dhënave të para, pjesëmarrja në votim ka qenë shumë e lartë, duke arritur rreth 59%, një nivel që konsiderohet rekord për këtë proces.
Exit poll-et e para tregojnë një avantazh të lehtë për kampin e “Jo”. Sipas sondazhit të Opinio për Rai, vota kundër reformës lëviz mes 49% dhe 53%, ndërsa “Po” mes 47% dhe 51%. Një tjetër sondazh nga Tecnè për Tgcom24 e vendos “Jo”-në në 50–54%, ndërsa “Po”-në në 46–50%.
Rezultati përfundimtar pritet të bëhet i ditur pas përfundimit të numërimit të votave gjatë pasdites. Referendumi konsiderohet një test i rëndësishëm politik për qeverinë dhe për ndryshimet e propozuara në sistemin e drejtësisë italiane.
