Deputeti ukrainas Andriy Parubiy, ish-kryetar i parlamentit, është qëlluar për vdekje më herët gjatë ditës së sotme në qendër të Lvivit, Ukrainë, nga një burrë i panjohur që hiqej si shpërndarës. Incidenti ndodhi në një nga trotuarët e qytetit, ku Parubiy po ecte kur u afrua me vrasësin, i cili e ekzekutoi me tetë plumba. Pas krimit, autori iku nga vendi i ngjarjes.
Një video e publikuar nga rrjeti Strana tregon momentin kur vrasësi pret që Parubiy të afrohet dhe, kur ai është afër, e qëllon për vdekje. Policia ukrainase konfirmoi se ngjarja ndodhi në Lviv dhe se viktima ishte një "figurë publike dhe politikan i njohur".
Presidenti ukrainas Volodymyr Zelensky reagoi menjëherë, duke e quajtur këtë akt një "vrasje të tmerrshme" dhe premtoi hetim të thelluar për zbardhjen e rrethanave të vdekjes së Parubiy. Ai gjithashtu tha se autoritetet janë duke bërë kërkime për të gjetur dhe arrestuar vrasësin.
