Tetë ushtarë amerikanë mbeten në gjendje të rëndë, ndërsa shumica e të plagosurve janë kthyer në detyrë.
Pentagoni njoftoi se gjatë 11 ditëve të para të luftës me Iranin, sulmet iraniane kanë shkaktuar 7 viktima në radhët e ushtrisë amerikane dhe 140 të plagosur. Sipas zëdhënësit të Pentagonit, Sean Parnell, 108 prej të plagosurve janë rikthyer në detyrë, ndërsa tetë ushtarë vazhdojnë të jenë në gjendje të rëndë dhe po marrin trajtim të specializuar mjekësor.
Viktima e fundit është identifikuar si rreshteri i ushtrisë amerikane Benjamin Pennington, 26 vjeç, nga Glendale në Kentucky. Ai ishte plagosur rëndë më 1 mars, kur Irani goditi një bazë ushtarake saudite ku ndodheshin trupa amerikane.
Pennington ndërroi jetë të shtunën në mbrëmje, ndërsa autoritetet ushtarake po përgatiteshin ta transferonin në një spital ushtarak amerikan në Gjermani për trajtim më të avancuar.
Rreshteri shërbente në Batalionin Hapësinor dhe ishte caktuar në Brigadën e Parë Hapësinore në Fort Carson, Kolorado.
Ndërkohë, gjatë fundjavës, presidenti Donald Trump mori pjesë në ceremoninë e kthimit të trupave të gjashtë ushtarëve të parë amerikanë të vrarë, në bazën ajrore Dover në Delaware. Ata humbën jetën pas një sulmi me dron iranian në portin Shuaiba në Kuvajt.
