Hamasi liroi të martën trupat e dy pengjeve izraelite, ndërsa rritet presioni nga Shtetet e Bashkuara për të shmangur përshkallëzimin që mund të rrezikojë armëpushimin në Gaza.
Zyrtarët amerikanë, përfshirë Steve Witkoff dhe Jared Kushner, i kanë kërkuar kryeministrit izraelit Benjamin Netanyahu që të sigurojë një përgjigje proporcionale ndaj çdo shkeljeje të armëpushimit nga Hamasi, në mënyrë që të mos prishen marrëveshjet e arritura.
Ky paralajmërim vjen pas përleshjeve të dhunshme në ditët e fundit, ku Izraeli sulmoi disa objektiva të Hamasit të dielën, pas një sulmi të Hamasit që shkaktoi vdekjen e dy ushtarëve izraelitë. Megjithatë, Hamasi mohoi përfshirjen në këtë sulm dhe e atribuoi atë një grupi guerilas të pavarur.
Presidenti amerikan Donald Trump deklaroi të hënën se Hamasi po shkelte armëpushimin dhe paralajmëroi se do të ndërmerren masa të shpejta nëse organizata nuk ndryshon sjelljen. Ai gjithashtu tha se disa vende janë të gatshme të ndihmojnë në shkatërrimin e Hamasit në rast të vazhdimit të shkeljeve.
Sipas raportimeve të Wall Street Journal, pas paralajmërimeve nga Trump, Hamasi njoftoi ndërmjetësit se do të ndalonte ekzekutimet publike të anëtarëve të grupeve rivale, duke cituar presionin nga Izraeli dhe duke theksuar se veprime të tilla mund të jepnin pretekst për vazhdimin e konflikteve.
Udhëheqësi i Hamasit, Khalil al-Hayya, në një intervistë me një kanal shtetëror egjiptian të hënën, adoptuar një ton më diplomatik, duke theksuar se lufta kishte përfunduar dhe se Hamasi ishte i angazhuar për lirimin e të gjithë pengjeve të vrarë.
“Jemi të vendosur të mbajmë këtë marrëveshje,” u shpreh al-Hayya. “Dëshirojmë që ajo të zgjasë.
