Një raport i IPC, i mbështetur nga OKB, paralajmëron se gjysmë milioni palestinezë – një e katërta e popullsisë së Gazës – po përjetojnë uri ekstreme, duke e cilësuar situatën si “krejtësisht të krijuar nga njeriu”.
Raporti thotë se kufizimet e Izraelit mbi hyrjen e ushqimeve dhe ndihmave kanë bërë që banorët të përballen me uria, mjerim dhe vdekje, ndërsa përpjekja për të marrë ndihma shpesh ka rezultuar fatale: OKB ka regjistruar mbi 994 palestinezë të vrarë pranë qendrave të shpërndarjes që prej majit.
Izraeli mohon përgjegjësinë, duke akuzuar Hamasin dhe agjencitë humanitare, por udhëheqësit botërorë e cilësojnë këtë situatë një katastrofë të shkaktuar nga bllokada sistematike. Komisioneri i Lartë i të Drejtave të Njeriut e ka cilësuar përdorimin e urisë si armë lufte një krim lufte.
Ndërkohë, ofensiva e paralajmëruar e Izraelit në Gaza City, ku uria tashmë ka marrë përmasa të plota, pritet të sjellë pasoja edhe më të rënda për civilët.
