Aktivitetet e Donald Trump gjatë ditëve të fundit kanë qenë një përzierje diplomacie, devijimesh dhe momentesh që shpesh janë dukur edhe të pazakonta.
Të premten ai deklaroi se lufta e SHBA kundër Iranit po “shkonte drejt përfundimit”.
Por të shtunën në mbrëmje ai i dha Iranit një afat 48-orësh për të rihapur Ngushticën e Hormuzit, duke paralajmëruar sulme të reja ajrore ndaj infrastrukturës energjetike iraniane nëse kjo nuk ndodhte.
Të dielën Trump luajti golf, ndërsa të hënën në mëngjes tha se iranianët po zhvillonin bisedime “konstruktive” me Shtetet e Bashkuara. Më vonë gjatë ditës ai vizitoi Graceland, shtëpinë historike të legjendës së muzikës Elvis Presley.
Sipas Trumpit, një kontakt i SHBA me një udhëheqës të paidentifikuar iranian – që nuk është konfirmuar nga Irani – ishte i mjaftueshëm për të pezulluar për pesë ditë sulmet e planifikuara.
Vetëm mundësia e bisedimeve ndikoi menjëherë në tregje: bursat amerikane u rritën ndjeshëm, ndërsa çmimet globale të naftës ranë.
