Ky është përfundimi i analizave të para të bëra nga studiuesit e Universitetit të Xhorxhias, pas ngjarjes së datës 26 qershor, kur një meteorit arriti të mbijetojë hyrjen në atmosferën e Tokës dhe goditi çatinë e një shtëpie në qytetin McDonough, afër Atlantës, SHBA.
Sipas vlerësimeve të NASA-s, meteoriti kishte një diametër prej 1 metri dhe udhëtonte me një shpejtësi prej 47,000 kilometrash në orë. Ndërsa hynte në atmosferë gjatë ditës, ai krijoi një shkëlqim të fortë të dukshëm në pjesën juglindore të SHBA-ve. Shoqata Amerikane e Meteoritëve (American Meteor Society) mori mbi 240 raportime për shikimin e tij. Shumë njerëz dëgjuan edhe një zë shpërthimi (boom sonik).
Pas goditjes së çatisë së shtëpisë, meteoriti u copëtua, dhe një fragment i tij arriti të krijonte një gropë në dysheme.
Nga rreth 50 gramë material të mbledhur, 23 gramë janë analizuar me mikroskopi optike dhe elektronike. Rezultatet tregojnë se meteoriti mund të jetë një kondrit i zakonshëm me pak përmbajtje metali. Kjo do të thotë se është formuar në prani të oksigjenit, çka e bën atë më të vjetër se vetë Toka.
“Ky meteorit i përket një grupi asteroidësh në brezin kryesor mes Marsit dhe Jupiterit, që tani besojmë se lidhen me shkatërrimin e një asteroidi shumë më të madh që ndodhi rreth **470 milionë vjet më parë,” – shpjegon gjeologu Scott Harris.
