Presidenti francez Emmanuel Macron shprehu të hënën shqetësimin e tij të thellë për planet e Izraelit për të përshpejtuar operacionet ushtarake në Gaza, duke i cilësuar ato si “një katastrofë që pritet të ndodhë”. Ai propozoi krijimin e një koalicioni ndërkombëtar nën mandatin e Kombeve të Bashkuara për të stabilizuar situatën në rajon.
Javën e kaluar, kabineti i sigurisë i Izraelit miratoi një plan për marrjen e kontrollit të qytetit të Gazës, duke zgjeruar fushatën ushtarake në këtë territor të shkatërruar palestinez. Ky vendim ka shkaktuar kritika të shumta, si brenda ashtu edhe jashtë vendit.
“Njoftimi për zgjerimin e operacioneve në qytetin e Gazës dhe kampet Maëasi, si dhe për një ripushtim, paralajmëron një katastrofë me pasoja të papara dhe një rrugë drejt një lufte të pafundme,” deklaroi Macron përmes zyrës së tij.
Ai theksoi gjithashtu se “pengjet izraelitë dhe populli i Gazës do të mbeten viktimat kryesore të kësaj strategjie.”
