Lufta në Iran mund të shtyjë 45 milionë njerëz drejt urisë akute deri në qershor, kështu ka paralajmëruar Programi Botëror i Ushqimit.
Sipas një analize, dhjetëra miliona njerëz të tjerë do të përballen me uri të rëndë nëse lufta vazhdon deri në verë. Sulmet e SHBA-ve dhe Izraelit ndaj Iranit, që nisën më 28 shkurt, kanë bllokuar rrugët kryesore të ndihmës humanitare, duke vonuar dërgesat jetike në botë.
Carl Skau, zëvendësdrejtor ekzekutiv i Programit Botëror të Ushqimit, tha se miliona njerëz pritet të shtyhen drejt urisë akute për shkak të rritjes së çmimeve të ushqimit, naftës dhe transportit, duke e çuar totalin global mbi nivelin rekord aktual prej 319 milionë.
“Kjo do ta çonte nivelin e urisë globale në një rekord historik dhe është një perspektivë e tmerrshme”, shtoi Skau.
Kostot e transportit janë rritur me 18 % që nga fillimi i sulmeve të SHBA-ve dhe Izraelit ndaj Iranit dhe disa rrugë janë detyruar të devijohen
