Kuvajti ka njoftuar se është përballur me një sulm të ri iranian, pasi forcat e mbrojtjes ajrore u aktivizuan për të interceptuar raketa të lëshuara drejt vendit. Shefi i Shtabit të Ushtrisë së Kuvajtit tha në një deklaratë se sistemet e mbrojtjes ajrore janë vënë në veprim për t’iu përgjigjur sulmit.
Kuvajti, vend i pasur me naftë dhe që strehon bazën ajrore amerikane Ali al-Salem, ka qenë ndër shtetet më të goditura nga sulmet iraniane. Sipas të dhënave të raportuara, nga këto sulme kanë humbur jetën gjashtë ushtarë amerikanë dhe dy civilë.
Ndërkohë, Departamenti i Shtetit i SHBA ka njoftuar se ka pezulluar aktivitetin e ambasadës amerikane në kryeqytetin e Kuvajtit, duke u bërë thirrje qytetarëve amerikanë të largohen nga vendi. Sipas Uashingtonit, nuk raportohet për të lënduar në mesin e stafit të ambasadës pas sulmeve me raketa.
