Gjermania dhe 13 vende të tjera e dënuan miratimin e vendbanimeve të reja izraelite në Bregun Perëndimor të pushtuar nga Izraeli. "Ne riafirmojmë refuzimin tonë të qartë të çdo forme aneksimi dhe zgjerimi të politikës së vendbanimeve", thuhet në një deklaratë të përbashkët, së cilës iu bashkuan edhe Belgjika, Kanadaja, Danimarka, Franca, Italia, Islanda, Irlanda, Japonia, Malta, Holanda, Norvegjia, Spanja dhe Britania e Madhe. Deklarata shton se ky veprim rrezikon gjithashtu të përkeqësojë paqëndrueshmërinë në rajon dhe të rrezikojë perspektivat për paqe afatgjatë.
Ministri izraelit i Financave Bezalel Smotrich dhe një grua mbajnë një hartë që tregon skemën e vendbanimeve E1, e cila ndan Jerusalemin Lindor nga Bregu Perëndimor i pushtuar.Ministri izraelit i Financave Bezalel Smotrich dhe një grua mbajnë një hartë që tregon skemën e vendbanimeve E1, e cila ndan Jerusalemin Lindor nga Bregu Perëndimor i pushtuar.
Bregu Perëndimor i pushtuar që nga viti 1967
Izraeli e pushtoi Bregun Perëndimor të lumit Jordan në vitin 1967 dhe që nga ajo kohë ai është nën administrimin ushtarak izraelit. Sot atje jetojnë më shumë se 700,000 kolonë izraelitë së bashku me afërsisht tre milionë palestinezë. Sipas ligjeve ndërkombëtare vendbanimet janë të paligjshme. Megjithatë vetëm pak ditë më parë Izraeli miratoi krijimin e 19 vendbanimeve të reja. Kombet e Bashkuara e konsiderojnë ndërtimin e vendbanimeve nga Izraeli pengesë për një zgjidhje të mundshme me dy shtete, sepse vendbanimet do t'i linin palestinezët praktikisht pa territor të pandërprerë. Zgjidhja me dy shtete parashikon bashkëjetesën mes Izraelit dhe një shtet të pavarur palestinez./DW
