Forcat e Mbrojtjes të Izraelit, IDF njoftuan se përdorën më shumë se 80 avionë luftarakë për të kryer valën e gjerë të sulmeve ndaj Iranit gjatë orëve të para të së shtunës. Sulmet kishin në shënjestër infrastrukturën ushtarake, përfshirë universitetin ushtarak Imam Hossein që përdoret për të trajnuar oficerët e Gardës Revolucionare Islamike (IRGC) të Iranit.
IDF shtoi se universiteti përmbante asete të shumta ushtarake. Objektiva të tjerë përfshinin një kompleks kuvendi të IRGC-së, infrastrukturë nëntokësore për ruajtjen e raketave balistike, bunkerë ushtarakë dhe qendra komande ku vepronin zyrtarë të lartë iranian.
U goditën gjithashtu vende lëshimi në Iranin perëndimor dhe qendror. Pamjet nga Teherani treguan tym të zi dhe zhurmën e shpërthimeve në errësirën para agimit, si dhe flakë të parë në aeroportin Mehrabad të qytetit.
