Korpusi i Gardës Revolucionare Islamike të Iranit (IRGC) ka njoftuar se ndalon çdo transport detar “drejt dhe nga portet e aleatëve dhe mbështetësve të armiqve izraelito-amerikanë”, përmes çdo korridori detar apo drejt çdo destinacioni.
Në një deklaratë të publikuar nga agjencia iraniane e lajmeve Fars, IRGC thekson gjithashtu se Ngushtica e Hormuzit është e mbyllur dhe paralajmëron se çdo anije që përpiqet të kalojë nëpër këtë rrugë ujore do të përballet me “masa të ashpra”.
Sipas të njëjtës deklaratë, sot tre anije kontejnerësh me kombësi të ndryshme janë bllokuar nga hyrja në ngushticë, pasi kanë marrë paralajmërime nga forcat detare të Gardës Revolucionare.
